Gipresentar sa Department of Social Welfare and Development – National Household Targeting Office (DSWD – NHTO) ang nakolekta nga datus sa pagpahigayon ug LISTAHAN 3rd round Household Assessment sa entero rehiyon sa Caraga.
Sa gipahigayong press conference kagahapon, gipakita nga anaa sa 160,261 ka panimalay ang na-assess sa DSWD sa tibook rehiyon kung diin sa Agusan del Sur anaa sa 46,250; Agusan del Norte 46,124; Surigao del Sur 36,020; Surigao del Norte 24,210 ug Province of Dinagat Island anaa sa 7,657 ka mga panimalay.
Gipasabot ni Aldy Mae Tindoy, head sa NHTO Caraga nga walay laktaw ang ilang mga enumerators sa pagsaka sa panimalay aron masiguru usab nga walay mapihig sa benipisyo gikan sa goberno nga ihatag sa labing nagkinahanglan.
Niya pa nga nasayod mismo ang barangay kung pila ka panimalay ang na-assess sanglit maghatag ug Certificate of Completion ang mga opisyal niini adesir misubog sa laing lugar ang mga enumerators.
(VC. DSWD 1)
Gipaniguru sa opisyal nga protektado ang integridad sa makolekta nga datus aron malikayan ang isyu nga adunay pabor-pabor sa paghatag ug benipisyo sa DSWD.
(VC. DSWD 2)
Si Aldy Mae Tindoy, head sa NHTO Caraga sa iyang pamahayag atol sa press conference kagahapon.
Lauman nga karong Disyembre 8 matapos na ang pagkolekta sa tanang datus ug hayan sa sunod tuig 2020 mogawas na ang resulta kung kinsa ang malakip sa LISTAHANAN sa DSWD.
Kung adunay local chief executive sa lungsod, syudad o probinsya nga dili mosuporta sa pagpahigayon ug household assessment sa DSWD NHTO bukas kaayu ang 8888 hotline direkta sa buhatan ni Pang. Rodrigo Duterte sa Malacañang aron ipaabot ang reklamo.
Kini ang gipahayag ni Ednon John Aparecio, local government operations officer sa Department of Interior and Local Government (DILG) Caraga.
Si Aparecio maoy nagrepresentar ni DILG Caraga Reg’l Director Lilibeth Famacion atol sa gihimung press conference kagahapon.
Niya pa nga operational gihapon ang 8888 hotline ug andam kini maminaw sa mga reklamo batok sa mga opisyal sa goberno nga wala mituman sa ilang tahas ilabina diha sa household assessment basi sa gipirmahang Memorandum of Understanding (MOU) tali sa DSWD ug DILG.
Una nang gipasabot nga sa programa sa DSWD walay bisan kinsa nga pulitiko ang makahilabot ug makaboot sa proseso ug sistema niini (with report archer capadeso/ ivy falcone) [image: dswd caraga 3.jpg]
.
