> JUST IN! 4 ka barangay sakop sa Surigao City pinakabag-o na tagdeklarar na drug cleared nan kadagkuan sa Phil. Drug Enforcement Agency o PDEA. Sumaya pa ni Agent Rodelio Daguman Jr. an 4 ka brgy. na drug cleared naglangkob sa Brgy. Lisondra, Nonoc, San Jose ug Manjagao. Sa Surigao del Norte, may 14 isab ka barangay sa Mainit an bag-o tagpagawas na drug cleared pareho sa cantugas,mabini,marayag,mag-payang,roxas,quezon,tolingon,tapi-an,magsaysay, dayano, siana,san francisco, san isidro ug tagbuyawan. Base sa rekord nan PDEA moabot na sa 81 ka barangay an tagdeklarar na drug cleared sa tibook probinsiya. Dugang pa ni Daguman, buot pasabot sa drug cleared barangay, waya nay supplay sa illegal na droga, waya nay pusher o user, nosurrender na. Hinoon dili hangtud sa hangtud an pagka-deklarar na drug cleared kay posible nila I-revoke an sertipikasyon labi na kon may mobalik na mga users ug pushers sanan wayay pag-aksiyon an mga barangay Officials. > > > >
