CADIZ CITY, NEGROS OCCIDENTAL – Magapatigayon na sang imbestigasyon ang City Environment and Natural Resources Office, CENRO sang ciudad sang Cadiz angut sa natabo nga pagkasunog sang kapin apat ka ektarya sang kagulangan sa Brgy. Mabini, Cadiz City kahapon sang hapon.
Suno kay Cadiz City Mayor Patrick Escalante, ginmandu na niya nag imbestigasyon sa pagkasunog sang ginakabig nga virgin forest sa Sitio Igcamalig, Brgy. Mabini nga nagalapad sang kapin apat ka ektarya.
May mga impormasyon nga nabaton ang utoridad nga ang pagkasunog sang amo nga kagulangan ang tuga sang ginhaboy nga upos sang sigarilyo, apang wala pa ini gina-confirm. Posibli nga may nagtig-ang lugar sa pila ka grupo nga nagapaniro sang pispis.
Isa man sa ginalantaw nga rasun kon ngaa nga naglapad ang sunog, ina bangod kay mahangin kahapon kag mga pila naman kaadlaw nga wala kaulan, indi kaangay sang iban nga lugar nga mabasa.
Samtang, gilayon man nga magapatigayon sang assessment ang city government sang Cadiz agud matumod kon bala ano ka daku ang kahalitan sang pagkasunog sang amo nga virgin forest./Mayor Patrick Escalante shared photo
