General Santos City–Upat ka mga high value target sa PDEA 12 nga gilangkuban ug duha ka Menor de edad ug usa ka parokyano sa drug den ang nasikop sa hiniusang pwersa sa PDEA 12, Police Station 2 ug Police Station 4 sa ilahang gipahigayon nga buy-bust operation batok sa mga target nga silang Carlos Ramos alyas Balong, 37 anyos nga nanimuyo sa Purok Felomina, Barangay Calumpang ug Carlo Manamba, 20 anyos, nanimuyo sa Prk 4, Bo. Blaan, Barangay Labangal ning syudad alas 4:06 ang takna sa hapon sa panimalay ni Carlo.
Samtang nasikop man usab ang laing pang 2 ka mga high vaue target nga silang Juhar Buda Benjamin Abdilla, 23 anyos, nga parehong nanimuyo sa Palimbang, Sultan Kudarat ingon man ang usa ka Esmael La, 42 anyos , nagpuyo sa barangay Labangal ug ang duha ka menor de edad nga nag-edad 15 ug 17 anyos human nga ma-abtan sila sa maong lugar nga nagagamit ug iligal nga droga.
Sumala pa ni Kath Abad ang tigpamaba sa PDEA 12 nga ang ilahang transaksyon ang pahigayon sulod sa panimalay sa target kung asa pag sulod matud pa sa mga otoridad ilahang na diskobrehan ang usa ka drug den nga gina maintain ni Carlo.
Narecover sa PDEA 12 sa maong drug den ang mukabat ngadto sa 5 ka gramos nga gituohang shabu nga gibana-banaang adunay kantidad nga P102,000.00 ug mga drug paraphernaliaās.
Gi-andam na usab karon sa otoridad ang kasong pagsupak sa RA 9165 sec 5,11,12,6 ug 7 sa Art II batok sa mga suspek.(Dave Silagan)
