Tantangan, South Cotabato—Hagbong sa kamot sa kapulisan ang usa ka top 4 most wanted person sa municipal level sa Tantangan, South Cotabato human kini nasikop sa hiniusang puwersa sa PNP ug AFP alas 5:40 sa hapon sa Brgy.San Felipe,Tantangan.
Ang dinakpan naila sa pangalang Lodovico Aguilar, 67 anyos, minyo, residente sa Prk.Spring, Brgy.Tinongcop sa nasampit nga munisipyo.
Nasayran nga una ng nasikop ang suspek pinasikad sa warrant of arrest sa kasong Rape dunay cc no.1463-2019 nga giisyu ni Judge Vicente Peña sa RTC,11th Judicial Region, Branch 45,Surallah, South Cotabato nga pinetsahan pa niadtong Enero 20, 2020
Ang maong kaso ang walay piyansang girekomenda ang korte.
Sa kasamtangan nagtingkagol na karun sa selda sa Tantangan MPS ang maong wanted ug gipaabot na lamang ang commitment order niini gikan sa korte aron hingpit na kining mabalhin sa South Cotabato Rehabitation and Detention Center . (Reynald Timario)
