4 ka mga indibidwal nga sakay sa AUV, gi-ambush samaran

50

Dinas, Zamboanga del Sur – Samaran ang duha sa upat ka mga sakay sa usa ka AUV sa dihang gipaarakan kini sa mga wala mailhing mga suspetsado alas 2:40 kagahapon sa hapon sa National Highway sa Brgy. Nangka, Dinas, Zamboanga del Sur.
Ang mga biktima nailang sila si ABDUL GUMIKAS, 53anyos; SAUD NGAPAS POLO, 25anyos; ARMIDA BUGAT MAYO, 30anyos ug ang usa ka tuig nga bata nga nailang si CITTIE AYERSHA POPO pulos mga residente sa Lapuyan, Zamboanga del Sur.
Sa imbestigsayon sa kapulisan nasayran nga sakay ang mga biktima sa Mitsubishi Adventure ug nagbyahe gikan sa Barangay Locuban, Dinas paingon unta ngadto sa lungsod sa Lapuyan apan giatangan kini sa wala mailhing mga suspetsado ug gipamusil sa makadaghang higayon ang ilang gisakyan gamit ang wala pa masayring calibre sa armas.
Human sa pagpamusil, daling misibat ang mga suspetsado paingon dinhi sa syudad sa Pagadian ug sa lungsod sa San Miguel sakay sa ilang getaway vehicle nga mao ang van nga color puti.
Samtang daling gidala usab sa Chavez Medical Clinic sa lungsod sa Dinas ang mga biktima ug gibalhin na kini sa Aisa Hospital, Pagadian City alang sa dugang mga medikasyon.
Padayun pa usab ang gihimong makuting imbestigasyon sa kapulisan sa Dinas arun masuta, maila ug madakpan ang mga miikyas nga mga suspetsado.

Facebook Comments