Nakita na ang mga mangingisda nga taga Camiguin nga gi-ingong na-missing niadto pang Sabado. Kung diin napadpad sila diha sa kadagatang bahin sa Gitagum, Misamis Oriental.
Matud pa ni Nelson Nalsaro, ang personahe gikan sa Gitagum Risk Reduction Management Office, usa ka mananagat gikan sa Gitagum ang nga si Peter Fructoso ang gi-ingong nakakita ug naka-rescue ngadto kanila pinaagi sa pag-guyod sa ilang sa pump boat padaplin sa baybayon.
Gikabutyag nga natagak ang Elise sa pump boat nga gisakyan sa maong mga mananagat maoy hinungdan nga nagpautaw-utaw na lamang sila sa lawod sulod sa upat ka mga adlaw tungod wala silay dalang reserbang Elise.
Ang mga maong mga mananagat nailhang sila si Guillermo Magallanes, tag-iya mismo sa sakayan ug sila si Anthony Escobido, Michael Bautista, ug si Pepito Ucab pulos mga residenti sa Catarman, Camiguin.
Matud ni Guillermo Magallanes, survival method nila ang pagkaon sa mga isdang nadakop nila pinaagi sa pagkilaw ni-ini nga wala nay suka ug lamas. Ang ginagmay nga pag-inom sa tubig aron lang mabasa ang ilang tutonlan samtang nagpuli-puli sila og timon sa ilang sakayan.
Temporaryong gisagop karon sa LGU-Gitagum ang maong mga mangingisda ug naka schedule nga ipapauli karong adlawa sa ilang tagsa-tagsa ka mga pamilya didto sa Catarman, Camiguin.
Kasama mo sa Balita, RadyoMaN Andy Coco, DXCC Tatak RMN!
