Gikumpirma ni Monsenyor Rey Monsanto sa Fatima Parish sa Camaman-an ning syudad nga adunay mga pari ang natapdan sa Covid-19.
Matud ni Monsenyor Monsanto nga upat ang mga pari karon ang ana-a sa hospital. Apan sutaon pa kung nadungagan kini ilabi na nga gipaubos na sa swab test ang uban pang mga pari.
Dugang pa niini nga sa karon wala pa nila mahinabi ang nasangpit nga mga pari. Gituhoan nga posibleng nakuha ang virus sa ginagmay nga ginahimong meeting.
Alayun niini, gipapahulay usab ang mga staff sa nasangpit nga mga pari.
Sa pagkakaron, gipahimutang na sa isolation unit ang usa sa upat ka mga pari nga anaa sa hospital. Kini tungod ang uban sa mga pari nga nahimong close contact gipaubos pa sa quarantine hinungdan usab nga ang mga simbahan nga gidumala niini temporaryo nga walay pagahimoong misa.
Nasayran nga gipaubos sa quarantine ang pari sa Lugait Misamis Oriental. Samtang gipahimutang usab sa isolation usa ka pari sa Laguindingan human kini nagpositibo sa virus.
