Apat ka mga bag-o recruit nga police trainees sang Police Regional Office 12 ang nagpositibo sa coronavirus disease ukon COVID-19 base sa resulta sang ila nga swab test nga ginpatigayon bag-o pa man ang oathtaking sang mga ini sang nagligad nga semana.
May-angot sini, suno kay PRO 12 Information Officer Police Lt. Col. Lino Capellan yara sa 29 ka mga police trainees sa subong ang nakaquarantine, matapos nga may direkta nga kontak sa apat ka mga nagpositibo.
Ginpahayag pa ni Capellan nga ang apat ang yara sa isolation facility sang LGU General Santos City, samtang ang 29 ang nakaisolate naman sa Regional Training Center sang PRO 12.
Ginsiguro man ni Capellan nga may reserve force ang PRO 12 agud nga i-augment sa tion nga may mga polis sa mga police station sa rehiyon ang mapaidalom sa quarantine tungod sa COVID-19.
