Davao City – Upat ka mga drug pusher ang nasikop sa kapolisan sa Sta Ana Pnp human nakuhaan og shabu atol sa gilusad nga managlahing buy bust operation.
Subay sa report gikan sa Sta Ana Pnp unang nadakpan alas 3:10 sa kaadlawon didto sa Guadalope Village, Km. 5 Matina Crossing ning siyudad mao sila Sainodin Rahaman alias Sai, 23 anyos, usa ka graphic installer ug usa ka Leonardo Loquillano, 24 anyos, ulitawo, usa ka driver parehong residente sa nasampit nga lugar.
Ikaduhang nadakpan didto sa Chavez St. Corner Magsaysay Ave. Brgy. 28-C alas 6:10 sa kagabhion mao sila Roel Chong, 42 anyos nagpuyo sa Rosa Sanz St.ning siyudad ug laing usa ka Sundy Torrefiel, 25 anyos, residente sa Purok 8-A Brgy.31-D ning siyudad sa Davao.
Narekober sa kapolisan gikan sa posisyon nila Rahaman ug Loquillano ang tulo ka sachet sa gituohang shabu ug ang 500 pesos buy bust money 500 samtang nakuha usab kang Chong ug Torrefiel ang tulo ka sachet nga shabu, illegal drug paraphernalia ug usa ka cellphone nga maoy gigamit sa iligal nga binuhatan.
Ang upat ka mga dinakpan gikatakdang pasakahan og kaso karong adlawa sa kalapasan sa RA 9165 Comprehensive Dangerous Drugs Act of 2002.
Sa datus gikan sa Sta Ana PNP dol-an 70 ka mga drug pusher nga nadakpan ang napasakahan na ug kaso ug napulo ang naneutralisa sa kapolisan sukad nagsugod nga milingkod si Police Chief Inspector Michael Uyanguren isip Station Commander sa Sta Ana Pnp niadtong bulan sa Hunyo pitsa 13 ning tuiga.
RadyoMaN Don Pulayao
