Hindi nakaligtas sa mga otoridad ang apat na kalalakihan na lumabag sa ipinatutupad na Enhanced Community Quarantine (ECQ) at nahulihan pa ng ilegal na droga sa San Miguel Phase 2, Barangay Fortune, Marikina City.
Paglabag sa RA 11332 in relation to Proclamation No. 922 at paglabag sa RA 9165 ang kinakaharap nina Charlemen Navalle, 38 anyos, construction worker; Ma. Estrella Soriano, 52 anyos, house-keeper; Nelson Navalle 67 anyos, tricycle driver at Noli Olango, 35 anyos, Bank messenger.
Batay sa imbestigasyon ng pulisya nagsagawa ng mahigpit na pagpapatupad ng ECQ ang mga tauhan ng Marikina PNP ng maispatan ang apat na kalalakihan na nagtipun tipon na malinaw na paglabag sa Social Distancing ng ECQ.
Agad na sinita at nang kapkapan nakuha sa kanilang pag-iingat ang isang pirsong plastic sachet na may lamang pinaghihinalaang shabu,ang isa namang suspek ay itinapon isang plastic sachet at nang tinang ng mga pulis nakita ang pinaghihinalaang shabu habang ang isa pang suspek ay nakumpiskahan ng 5 gramo ng shabu.
