Manila, Philippines – Arestado ang apat katao na nasa most wanted list sa magkakahiwalay na operasyon ng Philippine National Police – Criminal Investigation And Detection Group (PNP-CIDG).
Sa ilalim ng Oplan Tugis, naaresto sa lungsod ng Davao si Bernard Bacalso Pardilla na ikalawang most wanted person.
Timbog naman si Manuel Bolatao alyas manny na ikatlo sa most wanted list sa Baguio City dahil sa kasong rape.
Sa bisa naman ng warrant of arrest para sa kasong estafa at car theft ay naaresto si Josephus Auman ng CIDG Cebu-South.
Arestado din si Duray Tadlungan na nahaharap kasong statutory rape, qualified rape, at sexual abuse.
Sinasabing si Tadlungan ang lider ng ‘Repolyo Lampinig Group’ na sangkot sa gun-for-hire at illegal drug trade sa lugar.
