General Santos City—balhog sa silda sa Police Station 3 ang upat ka mga personahe human nangulata sulod sa usa ka iladong imnanan dinhi sa dakbayan sa Gensan nga mao ang Explore Bar.
Mga suspek nailhang si Anika Arisgado alias Nika Arisgado Antoque, 20, residenti sa Kulasi, Labangal, Jiyaa Morales Suan, 19, residenti sa Purok Malakas, Ashley Perez, alias Mariz Leyna Melitante, 20, residenti sa Barangay Fatima ug Jhay Labores Odango, 25, residenti sa Barangay Bula Gensan.
kaganina una nang gireklamo ang mga nasangpit ug pagpangulata sa mga biktimang silang si Sheila mae Bignayan, 30, negusyante ug residenti sa Sto. Nino, South Cotabato, Katrina Kinoc Bernardo, 21 ug keneth Jean Kinoc Bernardo parehong residenti sa Malungon, Sarangani Province.
Nasayran nga nagkabingkil ang mga nahisgutan samtang anaa sunod sa maong imnanan nga miresulta sa pagbaton ug mga samad sa lawas sa mga biktima. nawagtang pa ang alahas sa nmegusyanteng si Bignayan atol sa kumusyon.
Sa karon anaa na sa kustudiya sa Police Station 3 ang mga suspek ug gipaabot nalang ang disisyon sa mga biktima kung ilang pasakaan ug kaso ang mga suspetsado.
