4 nga myembro han Tan Family, madalagan yana nga Eleksyon ha Samar

TACLOBAN CITY – Upat nga myembro han Tan family ha probinsya han Samar an nagfile han ira tagsa-tagsa nga Certificate Of Candidacy (COC) para ha duha nga posisyon pagkakongresista ha duha nga distrito han Samar ngan duha gihapon nga posisyon ha Provincial Government.

Hi incumbent Samar Governor Sharee Ann Tan-De Los Santos in madalagan kumo Congresswoman han 2nd district han Samar kontra ha usa nga abugado nga taga Catbalogan City, ngan anay empleydo han Bureau Of Customs.

Matapos an siyam katuig, magbabalyo ha posisyon hi Gov. Sharee Tan ngan iya nanay nga hi Milagrosa Tan kumo tigsiring pagka-Gobernador han Samar. Magigin kontra ni Mila Tan an usa nga anay military officer nga hi Emil Zosa, asawa ni Santa Margarita Mayor Gemma Zosa.


Samtang hi incumbent vice Governor Stephen James Tan, anak gihapon ni Mila Tan, in madalagan ka Congressman han 1st district han Samar kontra kan incumbent Rep. Edgar Mary Sarmiento.

An pinaka bata naman nga anak nga hi Michael Tan in matigsiring ka Vice Governor kontra kan anay Vice Governor Jesus Redaja.

Facebook Comments