Upat ang patay ug 11 ang samaran sa panagbangga sa Multicab ug isuzu forward truck sa Purok 4, Barangay Maluko, Manolo Fortich Bukidnon mga alas 11:45 sa buntag kagahapong adlawa.
Kini ang gikumpirmar ni PO2 Rongane Auxcero, Assistant Traffic Investigator sa Manolo Fortich Municipal Police Station.
Daling gidala sa Bukidnon Provincial Hospital sa Barangay San Miguel, Manolo Fortich, Bukidnon ang 15 ka mga biktima nga puros taga Anahawon, Maramag, Bukidnon.
Apan patay nang nadala sa maong ospital ang upat ka biktimang sakay sa multicab nga naglakip nilang:
1. Otelo Sadicon – driver sa multicab
2. Xandra Abecia
3. Leo Xander Sadicon – 5 months old
4. Narcisa Balong 54 anyos
Ang 11 ka mga samaran mao silang:
1. Ofelia Pleyte, 29 anyos,
2. Steven Frances Pleyte, 4 anyos
3. Vevencio Cagulada, 48 anyos
4. Ariel Cagulada, 17 anyos
5. Ruel Sadicon, 53 anyos
6. Margarito Balong, 65 anyos
7. Maricel Cagulada, 24 anyos
8. Ronel Cagulada, 3 anyos
9. Vicente Cagulada, 55 anyos
10. Reymart Balong, 11 anyos
11. Gelvin Cagulada, 16 anyos
Matud ni PO2 Auxcero nga paingon unta sa Balingasag, Misamis Oriental ang mga sakay sa multicab aron mobisita sa namatyan.
Gidugang ni PO2 Auxcero nga mga alas dies kagabie nisurender ang driver sa isuzu forward truck nga si Edgardo Febrahosa, 39 anyos nga taga Purok 16, Valencia City, Bukidnon.
Sa interview sa kapulisan kang Febrahosa, gibutyag niini nga iyang nakita nga lahi na ang dagan sa multicab ug nipaingon sa iyang linya maong nahitabo ang panagbangga.
Gipasabot usab sa kapulisan nga tugbungon ang area kung asa nahitabo ang maong insedente.
By: RadyoMaN Annaliza Amontos
PC: Jerome Bayantong Sigongan
