BAGO CITY, NEGROS OCCIDENTAL – Apat ka miembro sang isa ka pamilya patay matapos nga mapil-pilan sang truck nga may karga sang tubo kahapon sang hapon sa Prk. Malipayon Brgy. Antipolohan, Bago City.
Ang mga biktima amo sanday Romulo Espinosa (amay), Josephine Espinosa (asawa), ila bata nga si Christine Espinosa Sarcia kag ila apo nga 6 yrs old nga lalaki.
Nahibalu-an nga sakay sa Hyundai EON ang pamilya Espinosa nga gina-maneho mismo sang amay kag magapadulong kuntani sa La Carlota City sang matabu ang aksidente.
Ang driver naman sang 10 wheeler truck ang detained sa karon sa Bago PNP ang ginkilala kay Herman Mohamitano sang Purok Balungay, Brgy. Pacol, Valladolid.
Suno sa driver sang truck nga wala siya nakabatyag nga may napilpilan ini nga salakyan.
Gina-klaro man sang driver nga wala sang problema ang iya salakyan kag iya naman kabisado ang dalan bangud amo naman ini ang iya nga rota.
Gin-dala pa ang apat sa Bago City District Hospital apang gindeklarar ang mga ini nga dead on arrival./dyHB BACOLOD
