General Santos City—gidakop ang 3 ka mga minor de edad ug usa ka 20 anyos human nga gitudlo sa usa ka 15 anyos nga dalagita nga responsabli sa pag-gang rape kaniya niadtong nakalabayng adlaw.
Una nang mireklamo sa buhatan sa Police Station 2 ang 15 anyos nga itago lang sa pangalang Alias Maymay human matud pa syang na-gang rape sa upat ka mga suspek.
Tungod niini dali nga naghimo ug operasyon ang kapulisan diin nasikop ang 3 ka minor de edad nga nag edad lang ug 14, 15 ug 16. Samtang sikop ang 20 anyos nga si Arboy Bohol nga residente sa Brgy. Labangal ning syudad kansa usa usab sa gitudlong responsabli.
Apan hugtanong gihimakak sa upat ka mga suspek ang aligasyon sa minor de edad batok kanila. Sumala pa nga ila lang gitabangan ang biktima human ilang nakit-an nga nagbaktas sa dalan sa may Makar, Barangay Labangal nga nagkagidlay gumikan sa kahubog alas 12:00 sa tungang gabie niadtong nakalabayng adlaw.
iIang gidala sa usa ka Video k bar ang biktima aron makatulog, natingala nalang sila dihang sila na nuon maoy gitudlong nanglugos ngadto kaniya.
Gihingusgan sab sa mga suspek nga posibling nalugusan nang daan ang biktima dihang ila kining makit-an tungod sa sitwasyon niini nga wala matarong ang pag sul-ob sa iyang senina.
Sa karon gihuwat nalang ang resulta sa Medical Examination sa nasangpit nga biktima aron sayron kung positibo ba kining nalugusan.
(Photo illustration from Web)
