General Santos City—Patay sa pagpangulata ang usa ka 40 anyos nga giilang si Alen Aregara, residenti sa Block 3, 3rd Avenue, Ginuo Subd., Barangay Lagao Gensan niadtong nakalabayng gabie.
Subay sa report sa Police Station 6 nasayran nga nag inum matud pa ang biktima uban ang suspek nga si Alias Toy-toy, legal age, residenti sa Barangay City Heights Gensan uban ang pipila nila ka mga amigo didto sa may Ginuo Subdivision, Barangay Lagao Gensan.
Dihang nangahubog nagbingkil matud pa ang biktima ug ang suspek nga misangko sa pagsinumbagay.
Ang simpleng sinumbagay misangko gyud sa pagpangulata sa suspek ngadto sa biktima nga miresulta sa grabeng samad nga naangkon niini. Gidala pa sa ospital ang biktima apan nakabsan gihapon kini sa iyang kinabuhi.
Ang suspek nga si Alias Toy-toy ang paspas nga misibat human sa krimeng iyang gihimo.
Sa karon nagpadayon ang gihimong imbistigasyon sa kapulisan kalabutan sa maong insidenti.
