South Cotabato—Nailhan na ang duha ka mga biktimang nakaplagan daplin sa dalan sa may Sitio Paghidaet, Barangay San Vicente, Banga, South Cotabato.
Giila ang mga biktima nga silang si Faisal Solaiman Ampatuan, 48, ug Buhari Buday Edsla, 26, pulos mga residenti sa Shariff Aguak, Maguindanao Province.
Nasayran nga positibong giila sa ilang mga kabanay ang duha ka mga biktimang namatay.
Sa karon nagpadayon pa ang gihimong imbistigasyon sa Banga Municipal Police Station sa nahitabong pagpatay, samtang gituohan nga igo rang gidala sa lugar ang duha ka mga biktima ug didto na gipusil ug gibyaan sa mga suspek.
Facebook Comments
