Bukidnon – Halos 40 ka sakong bugas ug nagkadaiyang pagkaon ug medical supplies nga iya sa mga teroristang CPP-NPA ang nadiskubre sa tropa sa 88th Infantry Battalion human ang gihimong focused military operations sa Sitio Bulacao, Brgy. Concepcion, Valencia City, Bukidnon kagahapon sa buntag.
Sa interview sa RMN Malaybalay ngadto kang 2LT Sancho Tomaquin, ang tigpamaba sa 88th Infantry Batallion, Philippine Army gibutyag niini nga ang mao nga mga nadiskubre nilang bugas ug medical items gilubong ug gibutang sa mga plastic water containers sa may kakahuyan nga bahin sa mao nga dapit.
Mukabat sa 67 ka mga water containers ang gisudlan sa bugas ug duha ka drums ang gisudlan sa medical supplies ug assorted food items.
Matud ni Tomaquin nga nagpahigayon ug operation ang ilang tropa sa mao nga dapit human nga adunay concern citizen ang nsumbong ngadto sa ilaha hinungdan nga ilang kining narekober.
Sa karon anaa na sa mga kamot sa kasundaluhan ang 40 ka sakong bugas ug ubang pang items nga ilang na diskubre.
