NADAWAT sa 4,446 ka mga benepisyaryo sa probinsya ang ilang sertipiko ug titulo sa yuta dili pa lamang dugay.
Kini human gipahigayon ang Awarding of Certificates sa Handog Titulo Program, Certificate of Land Ownership Award (CLOA) ug Certificate of Ancestral Domain Title (CADT).
Ang mga beneficiaries nga nakadawat sa Handog Titulo Program nagikan ning mga mosunod nga mga lungsod ug syudad: Malaybalay City ug Valencia City (60 Patentees), Don Carlos (22 Patentees), Kadingilan (11 Patentees), Kitaotao (25 Patentees), Quezon (2 Patentees), Baungon (60 Patentees), Manolo Fortich (60 Patentees), PENRO Sub-office sa Pangantucan kung aha nasakop ang lungsod sa Kalilangan (16 Patentees) Maramag (41 Patentees) ug Pangantucan (3 Patentees).
Sa laing bahin, pipila usab ka mga lungsod ang nakadawat ug CLOA nga mikabat ngadto sa 220 ektarya nga mao ang mosunod: Kitaotao (32 CLOA), Libona (24 CLOA) Maramag (23 CLOA) Sumilao (45 CLOA) ug Valencia City (17 CLOA) kung aha adunay suma-total nga 141 CLOA titles ug 146 beneficiaries.
Dugang pa, nakadawat usab ug Certificate of Ancestral Domain Title ang mga lumad kung asa aduna kini total land area nga 33, 318 ektarya ug gilangkuban sa 4000 ka mga benepisyaryo nga nasakop sa mosunod nga mga lungsod og syudad: Sumilao, Impasug-ong, Don Carlos, Kalilangan, Pangantucan, Valencia City, Malaybalay City, Maramag, Talakag, Cabanglasan, Manolo Fortich, Quezon ug San Fernando.
