Gipasidunggan karong adlawa ang duha ka mga magtutudlo gikan sa Malaybalay City Division atol sa pagsaulog sa Department of Education – Deped Regional Office 10 sa World Teachers Day sa Cagayan de Oro City.
Sa interview sa RMN Malaybalay ngadto kang City Schools Division Superintendent Dr. Edilberto Oplenaria, gibutyag niini nga ikaduhang tuig na kining gihimo sa Deped 10 diin adunay mga magtutudlo nga ilhon isip Most Outstanding Teacher.
Matud ni Dr. Oplenaria nga sa nakalabay nga tuig adunay 14 ka slot sa mao nga pasidungog ug upat ka slots nakuha gikan sa Malaybalay City Division.
Sigun niini nga karong tuiga ang duha usab ka mga magtutudlo nga gi-ilang Most Outstanding Teacher sa rehiyon sila si Mrs. Angie Teria nga naka-destino sa Dapulan Elementary School ug ang ikaduha gikan sa Bukidnon National High School.
Karong Oktubre 9 usab nakatakdang pasidunggan sa DEPED Malaybalay ang mga Most Outstanding Teacher sa siyudad.
Samtang gipahayag usab ni Sunny Ray Amit, Chief, School Governance and Operation Division sa Deped-Bukidnon nga adunay duha usab ka mga magtutudlo gikan sa Bukidnon Bukidnon ang pasidunggan karong adlawa.
