General Santos City—usa ang sikop samtang mukabat ngadto sa P400,000.00 nga kantidad sa marijuana ang nakompiska sa Tropa sa Philippine Drug Enforcement Agency (PDEA) Regional Office 12 sa may Purok 4, Brgy. Sumalili, Arakan, Cotabato niadtong nakalabayng simana alas 6:00 ang takna sa buntag.
Giila ni PDEA-Regional Director Gil Cesario Castro ang suspek nga si Jerome Tulosan , 25, minyo ug resident sa samang lugar.
Nakumpiska atol sa maong operasyon ang kapin kon kulang 2,000 ka fully grown marijuana plants nga ginaba-banaang P400,000.00. narekober usab ang mukabat sa 100 ka marijuana seedlings nga nagkantidad ug P5,000.00.
Kasong kalapasan sa Section 16 (Cultivation of Plants Classified as Dangerous Drugs), Article II sa Republic Act 9165 ( Comprehensive Dangerous Drugs Act of 2002) ang ipasang-at nga kaso batok sa mga suspetsado.
Atol sa operasyon gilayon man usab nga gisunog ang mga nakumpiskang marijuana aron masigurong dili na kini mapuslan pa.
