Roxas City, Capiz- Arestado ang apat ka mga persona sa ginpatigayon nga buy bust operation sang mga katapo sang Provincial Drug Enforcement Unit(PDEU) sang Capiz PPO sa Brgy Baybay alas 4:10 sang hapon.
Nakilala ang mga subject person nga amo sanday Eugene Baylon y Villasoto, 37-anyos sang Brgy San Jose Roxas City; Cherry Trifalgar y Cruz, 45-anyos sang Brgy Baybay; Vincent Villaruel, 40-anyos sang Brgy Inzo Arnaldo Village sa diin ang mga ini ang una na nadakpan apang naka-avail sang plea bargaining agreement.
Dakop man ang kaupdanan sang mga ini nga nakilala kay Anthony Dela Cruz y Begaso, 44-anyos sang Brgy Lawaan Roxas City
Narekober sa amo nga mga persona ang kabug-osan nga walo ka sachet sang suspected shabu nga ginabanta nagabalor sang P400, 000 pesos ang street value.
Nakuha man sa mga ini ang glass tooter, digital weighing scale, bundle sang plastics nga ginagamit sa repacking, 1000 pesos nga buy bust money, lighter, duha ka unit sang cellphone kag cash nga P4650 pesos.
Magapangatubang ang amo nga mga persona sang nagakaigo nga kaso.
