General Santos City— Anaa na sa drawing board ang planong pagbutang ug Closed Circuit Television Cameras kon CCTV Cameras sa mga nag-unang kadalanan sa dakbayan.
Sumala kang Dr. Bong Dacera, labaw sa City Disaster Risk Reduction and Management Council nga basi sa pamahayag ni Engr. Emerald Signar sa city engineers office, aduna nay gimugna nga project management team si GenSan City Mayor Ronnel Rivera aron mas mapa-paspas ang maong proyekto.
Target usab nila nga ayha mahuman ning tuig 2018, mapalit na ang moang mga CCTV Camera dungan sa dugang nga mga traffic light aron nga gilayon na kining magamit sa syudad.
Dugang pamahayag ni Dr. Dacera, nagkantidad ug kapin-kulang 400 milyones ka pesos ang maong proyekto. Lakip matud pa sa maong budget ang dugang mga traffic light, traffic signal ingon man ang mga cctv cameras.
Tumong matud pa sa maong proyekto mao ang ma-monitor ang tanang mga nagakahitabo sa dakbayan matag adlaw ug gabii aron usab mabatukan ang kriminalidad. (Lore Romualdo)
