Gi-imbestigahan na karon sa 403rd Infantry Brigade, Philippine Army ang taho nga adunay mga miyembro matud pa sa indigenous cultural communities ang mga na-missing.
Sa interview sa RMN Malaybalay ngadto kang Cpt. Ryan Layug, ang Civil Military Operations officer ug spokesperson sa 403rd infantry brigade gibutyag niini nga ang maong mga lumad nga na-missing nagagikan sa mga lungsod sa Quezon ug San Fernando ning probinsya.
Matud ni Layug nga subay sa ilang inisyal nga imbestigasyon nga gipugos kini ug dala sa mga armadong grupo.
Sa karon dili pa mabutyag ni Cpt. Layug kung unsa ka daghan ang mga gipangkuha sa armadong grupo ug wala usab daw nakabalo ang mga tagtungod sa motibo niini.
Sa karon nakiglambigit na matud pa ang kasundaluhan ngadto sa mga local government unit sa maong mga lungsod ug National Commission on Indigenous peoples kon NCIP aron ma-imbestigahan ang mao nga insidente.
