Nagduso kagahapong adlawa og mga dokumento sa Commission on Human Rights kon CHR-X ang 403rd Brigade sa 4th ID Phil Army sa pagpanguna ni Col. Edgardo de Leon nga pa-imbestigahan ang New People Army kung aduna ba kini kalapasan sa International Humanitarian Law labi na sa RA 9851.
Matud ni Col. De Leon nga ang maong mga dokumento nga iyang pa-imbestigahan sa CHR mao ang mga insidente sa pagpangatake sa CPP-NPA Terrorist sa DAVCO sa Barangay San Nicolas, Don Carlos, Bukidnon niadtong March 14 ning tuig ug ang lain insidente sa pagpangatake sa CPP-NPA Terrorist sa SFTM 204,2SFC, 1SFBN, SFR (A) sa Sitio Green Valley, Dalwangan, Malaybalay City, Bukidnon niadtong February 14 ning tuig nga nanunog ug nangharass pa.
Samtang, gibutyag usab ni CHR 10 Regional Director Atty. Jeanne Ivy F. Abrina nga wala paman napasa ang maong reklamo ila nang gipaadtoan ang maong lugar alang sa susamang katuyoan ug unsa man ang ilang makuha nga mga impormasyon mao ang basehan aron makahimo silag resolution nga magamit sa prosecution.
Niini, nanghinaot si Col. De Leon nga matagaan kining dugang pagtagad kay ang resulta sa imbestigasyon sa CHR mahimong basehan sa mga biktima sa pagpasaka og kaso.
