Gi klaro karon ni kang Cpt. Ryan Layug, ang Civil Military Operations Officer ug spokesperson sa 403rd brigade nga walay pag pull out sa ilang mga tropa sa 403rd Infantry Brigade, Philippine Army bisan paman ug dunay gipatuman Suspension of Offensive Military Operation kon SOMO.
Sa interview sa RMN nasayran nga gisunod nila ang direktiba sa ilang commander-in-chief nga magpabilin sa defensive position ang mga kasundalohan sa mga hilit nga dapit ug bisan paman sa mga lugar kung asa dunay mga impormasyon nga may mga presensya sa mga NPA.
Nasayran nga gideklara sa gobyerno sa Pilipinas ug CPP NPA NDF ang unilateral ceasefire epektibo kaniadtong Disyrembe 23 sa alas 12 sa kadlawon nga mulungtad sa alas 11:59 sa gabie karong Enero 7, 2020. Samtang gibutyag ni Cpt. Layug nga padayon usab nga naka-alerto ang kasundaluhan ug kapulisan sa rehiyon alang sa pag protiktar sa mga katawhan sa hulga sa kahapsay ug kalinaw nga dala sa mga NPA
