Yara sa 41 ka mga kaso ang nadispose sa pagpadulong sang Enhanced Justice on Wheels sa Koronadal City, South Cotabato kahapon nga adlaw.
Sa nasambit nga numero 33 ka mga preso ang nahilway nga ginproseso man gilayon ang ila nga proper disposal sa detention facility kag yara naman sa walo ka mga civil cases ang nasettle suno kay Judge Lorenzo Balo, Presiding Judge sang RTC 44, Surallah, South Cotabato.
Ginkumpirmar man ni Judge Balo nga lunsay man mabug-at ang kaso sang mga inmates kapareho sang rape, murder,frustrated murder kag illegal recruitment ang ginhearing kag gindispose sa EJOW.
Ang EJOW ang isa sa programa sang Korte Suprema nga may katuyuan nga mapadasig ang hearing kag disposal sang mga kaso kag maaddress ang kagutok sang mga detention center sa pungsod.
