Narekober ang 41 ka mga loose firearms sang Joint Task Force Central sa Sitio Kanalan, Brgy Marguez, Esperanza, Sultan Kudarat kabahin sang mas ginpabakod nga kampanya sang gobyerno batok loose firearms.
Ginpahayag ni 7th Infantry (TAPAT) Battalion Commanding Officer Lt. Col. Romel Valencia nadiskubrihan ang mga ginlubong nga mga armas luthang paagi sa bulig sang mga residente sa lugar nga kapoy na suno pa sa pagpamahog sang communist terrorist group.
Suno kay Lt. Col. Valencia indikasyon lamang suno pa ini nga ang mga residente ang nagahandom sang katawhayan.
Lakip sa mga narekober nga mga armas luthang ang 34 ka 12-Gauge Shotguns, 1 ka M79 Grenade Launcher, Springfield Rifle, Caliber .22 Rifle, 2 ka single-shot pistols, Caliber .45 pistol kag Uzi subong man mga bala sang mga nagkalain-lain nga kalibre sang armas luthang kag 2 ka IED detonators .
Samtang ang crackdown batok loose firearms ang nagapadayon sa Central Mindanao kadungan sang serye sang pagsurender sang mga miyembro sang CTG halin Enero subong nga tuig.
