CADIZ CITY, NEGROS OCCIDENTAL – Kapin 42 ka sachet sang suspected plastic shabu ang natigayon nga makuha sa duha ka nadakpan nga mga suspek kagab-i sa Brgy. Zone 2, Cadiz City.
Nakilala ang mga suspek nga amo sanday Jeffany Nene, 28 anyos kag Jeric Cornel, 41 anyos tanan pumuluyo sang Purok Matawhay, Brgy. Zone 2, ciudad sang Cadiz.
Ang pagdakup sa duha ginpatigayon sang Cadiz City Police Station pinaagi sa search warrant sa kaso nga violation sang RA 9165 may mg alas 9:50 kagab-i sa lugar sang mga suspek.
Nakuha halin sa ila ang kapin 42 ka sachet sang suspected shabu, 3 ka cellphone kag nagkalain lain nga drug paraphernalia.
Sanday Cornel kag Nene ang detained na karon sa custodial facility sang Cadiz City Police Station./dyHB BACOLOD
Facebook Comments
