Gi-raid ganinang buntag sa Martial Law Special Action Group kon MLSAG uban ang kapolisan sa Police Station 10 Cugman, ang USAFFE compound ni Atty. Ely Pamatong, sa Baloy, Tablon ning syudad.
Tumong niini nga i-served ang 42 ka mga search warrant.
Matud ni Police Chief Inspector Evan Vinas, ang Hepe sa Police station 10 Cugman, nga ilang nakuha sa area ang sinako nga uniporme nga kolor itom, ID, ug short side fire arm nga mga holster.
Nakuha usab sa area ang duha ka granada, ug usa ka kalibre. 45 nga armas nga adunay duha ka buhing mga bala.
Samtang naka-address sa lahilahi nga pangalan ang 42 ka mga search warrant nga dala sa Martial Law Special Action Group kon MLSAG uban ang kapolisan sa Police Station 10 Cugman.
Apan gikompirma ni Police Chief Inspector Evan Vinas, Hepe sa station 10 Cugman, nga apil na niini ang gipuy-an ni Atty. Ely Pamatong.
Matud ni Chief Inspector Vinas nga sa ilang pag-abot sa area wala na nila naabti si Atty. Pamatong, tungod kay sayo kini nga nakalakaw.
Nakuha usab sa area ang duha ka granada, ug usa ka kalibre 45 nga armas nga adunay duha ka buhing mga bala.
By: Michelle Enloran
