Anaa na sa 426 tanan ka empleyado sa lokal nga kagamhanan sa Cagayan de Oro ang nataptan sa COVID-19 sukad pagsugod sa pandemya.
Gibutyag ni Dr. Ted Yu Jr., ang Medical Officer sa City Health Office nga tulo niini ang aktibo, 420 ang nakarekober ug tulo ang natalang patay.
Giklaro usab niini, nga sa maong ihap walay labot ang mga empleyado sa JR Borja General Hospital kinsa nagpositibo usab sa COVID-19.
Samtang, aduna usab 20 ka Persons Deprived of Liberty ang nagpositibo nga pulos mga lalaki.
Hinuon, wala nay personahe sa Bureau of Jail Management and Penology o B-J-M-P ang nagpositibo sa virus ug gipasalamatan usab niini ang ilang BJMP health partners sa pag-atiman sa mga nagpositibo sa COVID-19 sa ilang pasilidad.
Facebook Comments
