General Santos City—Hingpit nang nakasuhan sa Police Station 3 ang usa ka Melchor Niembra Depositario, alyas Boboy, 44 anyos nga nanimuyo sa Damicig Street, Zone II, Barangay Bula ning syudad kansa una nang nadakpan sa gihimong buy-bust operation alas 2:10 ang takna sa buntag, niadtong nakalabayng adlaw.
Sumala pa ni Police Lieutenant Felix Minion III, OIC Chief of Police sa Police Station 3, idlas ang nahisgutang suspect tungod kay dugay matud pa kaayo kining mikagat sa tanyag sa ilang poseur buyer.
Nag sugod matud pa ang transaksyon sa Barangay Lagao alas 11:00 ang takna sa gabie apan nagduha duha matud pa ang suspek hangtud nga miabot sila sa Damicog Street, Barangay Bula kung asa kini nagpuyo ug didto na kini mikagat sa transaksyon.
Dugang pa niini nga wala sa ilang watchlist ang nahisgutan apan nakadawat matud pa sila ug impormasyon nga naga pamaligya kini ug iligal nga droga hinungdan nga gicasing sulod sa usa ka simana ang suspect ug sa dihang na nakumperma, gilayong gibuhat ang operasyon.
Nakuha sa nahisgutan ang usa ka sachet sa gituhang shabu samtang anaa usab sa iyahang posisyon ang 500 pesos nga mark money. Kasong pagsupak sa RA 9165 sec. 5 kon pagpamaligya ug iligal nga droga ang nahisgutang suspect nga nag tingkagol karon sa selda sa Police Station 3.
