44 anyos na layaki naligsan ug namatay sa Brgy. Tinidad, Surigao City Naligsan ug namatay an isa ka 44 anyos na layaki sa Km. 12, Brgy. Trinidad, Surigao City, human nabangga nan trailer truck na may karga na semento. Tagkilaya an biktima na si Raul Apole Barcelona, 44 anyos, minyo, labourer ug residente nan amo na barangay. An nakabangga, an trailer truck na may plate number YGU 842 na tagmaneho ni Julieto Mecarte, lumad na taga-Sison, Surigao del Norte. Sa asoy nan driver na si Mecarte, nagsubay sija pagbiyahe sa national highway, karga sa trailer truck an kapin 40 ka sako sa semento, pag-abot sa Km. 12 Brgy. Trinidad, kalit na mitabok an biktima na si Barcelona na matud pa nag-atras-abante pa sa tunga sa dayan, misuway sija sa pagkabig sa break pero waya na maapas ug nabangganni ini an biktima. Sa impact sa pagbangga, dead on the spot si Barcelona na nakaangkon nan grabe na pagka-igo an sa dubdub na bahin sa lawas.
