45 anyos nga babayi ginlabo-patay sa banwa sang Hinobaan

Priso na ang suspek nga naglabo patay sa ila kaingod nga babaye sa Purok 4, Brgy. Asia, banwa sang Hinobaan.Ang biktima nga ginkilala kay Marilou Dela Pena, 45-anyos ang nag-angkun sang mga pilas sa nawala nga guya, liog, butkon, ilok kag dughan matapos ini ginlabo gamit ang binangon sang suspek nga si Reni March Cariaga, 32, tinalikdan nga Setyembre 12, las-4:30 sang hapon.

Santo sa blotter report sang Hinobaan Municipal Police Station, antes pa man ang insidente, nag-inom na ang suspek upod ang ila kaingod mga las-12:00 sang udto. Las-2:00 sang hapon sang nagkadto si Cariaga sa sari-sari store sang biktima sa diin ginhambalan sini ang bana ni Marilou nga si Tereso nga naglalisay sila sang iya kaingod nga si Junie Janoy.

Ginhambalan ni Tereso si Cariaga nga pabay-an na lang ini kag gilayon siya nga naglakat para sa iya trabaho bilang mananggite. Naglakat man dungan ang suspek, apang pagpauli ni Tereso nakit-an na lamang sini ang iya asawa nga patay na kag puno sang pilas. Gilayon naman nga nadakpan si Cariaga kag na-recover diri ang gingamit niya nga binangon.


[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments