Patay nang nakit-an sa mga Police sa Carmen ang usa lalaki sulod sa iyang lawak sa Uzlai Carmen ning syudad sa Cagayan de Oro mga alas siyete kagabie.
Ang biktima naila sa ngalang si Richard Gamayot, 45 anyos alias Flong-Flong, ulitawo nga taga Uzlai, Carmen ning syudad.
Matud ni Carmen Police Chief, Police Major Ian Borinaga nga ila pang gi-imbistigahan aron masuta unsay hinungdan sa kamatayon sa biktima.
Apan sigon sa initial investigation sa Carmen Police nga ang maong biktima nakit-an nga nagbula ang iyang baba ug dunay lama sa dugo ang iyang liog samtang patay na nga naghigda sa iyang katre sulod sa kwarto sa ilang balay.
Gi-imbistigahan sa mga Police Investigators kon tinood ba nga nagsakit sa ulcer ang maong biktima.
Facebook Comments
