Mikabat sa 457 ka mga Person Under Monitoring kon PUMs ang nalista sa City Health Office o CHO sukad niadtong Marso 14 hangtud Mayo 6.
Mao kini ang update reports ni City Health Officer Dr. Lorraine Nery sa press briefing sa City hall kagahapon.
Matud ni Nery nga ang maong mga PUMs maoy nahimong close contact sa mga Person Under Investigation nga na-admit sa lain laing government ug private hospital dinhi sa Cagayan de Oro.
Gibutyag ni Dr. Nery nga gikan sa maong ihap, mikabat na lamang sa 147 niini ang ilang gipa-ilawom sa kurintinas.
Gipasabot ni Nery nga ilang gilauman sa City Health Office nga mosaka pa ang maong ihap human ilang gi-contract trace ang mga tawong na-close contact sa usa ka pasyenteng taga Barangay Carmen nga namatay human nagpositibo sa Covid-19.
-o0o-
