General Santos City—Patay ang usa ka 46 anyos nga lalaki human nadunggaban sa ilang silingan alas 7:00 ang takna sa gabie sa may Dacvill., Barangay Mabuhay Gensan.
Ang biktima nailhang Jayson Nepomucino, 46, residenti sa Dacvill, Barangay Mabuhay, samtang ang suspek giilang si Victor Malinao, residenti gihapon sa samanglugar.
Nasayran nga gikan nangaligo sa Olaer Resort ang suspek nga si Victor uban sa usa ka Josephine kansa igsuon sa biktima. Apan samtang tua sa resort nag lalis nang daan ang suspek nga si Victor ug si Josephine.
Pag uli sa ilang balay, misumbong si Josephine sa iyang igsuon nga si Nepomucino ug didto na misulong ang nasangpit sa balay sa suspek. Gikompronta sa biktima ang suspetsado nga misangko usab sa ilang lalis nga miresulta sa pagpanuggab.
Daling gidala ang biktima sa ospital apan nakabsan gihapon kini ug kinabuhi. Samtang ang suspek misurender sa kapulisan partikular na sa Police Station 4 human sa insidenti. sa karon ginaandam na ang kasong ipasang-at batok kaniya.
