Mikabat na sa 463 ka mga pasyente ang na-admit sa Northern Mindanao Medical Center o NMMC sukad gisugdan sa gobyerno niadtong Enero ang kampanya batok sa Corona virus disease o COVID-19.
Matud ni Dr. Bernard Rocha ang Medical Specialist ug Liaison officer sa NMMC nga kini nga mga pasyente, natakdan ug wala sa Covid-19.
Gibutyag ni Rocha nga gikan sa maong ihap, 404 ang negatibo sa COVID-19 samtang 30 ang konpirmado ug suspect 28 ka mga tawo lakip na niini ang 7 ka bag-ong gidudahan nga natakdan sa makamatay nga kagaw.
Samtang sa pikas nga bahin, mikabat na sa 2,104 ka mga tawo ang na-examine sa Gen Expert sa NMMC.
Kini nga record sukad niadtong May 21 hangtud kagahapong adlawa.
Matud ni Rocha nga kini nga mga pasyente gi-examine sa Gen Expert aron pagsuta kon kinsa positibo ug negatibo sa Covid-19.
-o0o-
