Mokabat sa 468 ka mga sakop sa New Peoples Army kon N-P-A ang natalang misurender atol sa usa ka tuig ug unom ka bulan nga pagdumala ni Major General Ronald Villanueva sa 4th ID Philippine Army.
Kini base sa datus nga gipagawas kagahapong adlawa atol sa retirement ug change of command sa 4th ID, Camp Evangelista, Barangay Patag ning dakbayan.
Nasayran usab nga mokabat sa 570 ka militia ng bayan kon sibilyan sa adlaw ug NPA sa gabie ang misurender sa iyang padumala sa 4th ID ug 3, 150 ka mga supporters usab ang misurender.
Samtang, mokabat sa 134 ka high power fire arms ug 46 low power firearms ang narecover ngadto sa mga kontra ug 230 ka high power firearm ug 273 ka mga low power firearm usab ang gisurrender.
Ang maong mga datus ang nakuha ug gi-surender nga mga armas atol na sa iyang pagdumala sa 4th ID.
