Sa interview sa RMN Malaybalay ngadto kang TMC-Malaybalay Incharge, Ernie “Boy” Neri, gibutyag niya nga kapin 400 na ang mga natalang aksidente sa unang lima ka bulan ning tuig, 2022.
Man gani, gisulti niya nga mas ubos kini kung itandi sa 502 nga natala sa susamang mga bulan sa milabayng tuig.
Kasagaran sa mga nalambigit sa maong mga aksidente ang mga motorsiklo, motorela, mga sakyanan, dagkong truk ug uban pa.
Dugang pa usab ni Neri nga hugot nilang ginamonitor karon ang kadalanan sa Malaybalay ilabi na usab sa bag-ohay lang nga mga aktibidad nga nahitabo sa pagselebra sa ika-145 nga katuigan sa aldaw ta Malaybalay.
Sulti pa ni Neri nga wala nila gidahom ang hugot nga dagan sa trapiko adtong Miyerkules diin giangkon nila nga naglisud gayud sila.
Apan mipasalig usab siya pangandaman gayud nila ang susamang mga kalihukan.
Sa pikas nga bahin, abli usab si Neri sa suhestiyon nga pataoran na og traffic lights ang dakbayan sa Malaybalay.
Sigon niya nga panahon na aron makakat-on ang katawhan sa importansiya sa traffic lights ilabi na sa mga motorista.
