Aktibong gipatuman sa 48 ka mga barangay ning syudad ang ilang Barangay Drug Abuse Council kon BADAC.
Kini ang gibutyag ni Konsehal Romeo Calizo, ang chairman sa komitiba sa police, fire and public safety.
Matud sa maong opisyal nga sa 80 ka mga barangay, 48 lamang niini ang aktibong nagpatuman sa maong programa.
Alayon niini, nanawagan kini sa ubang barangay ilabina sa mga kapitanes nga daan nang nakahibalo sa maong programa.
Kini aron nga mapatuman sa ilang tagsa-tagsa ka mga barangay ang pagmugna og BADAC isip kabahin sa kamandoan sa Department of Interior and Local Government ug ni Pres. Rodrigo Duterte.
Giklaro usab ni Konsehal Calizo nga sa karon adunay mga bag-ong napiling mga barangay chairmen kinsa angayang tabangan sa pag-edukar kalabot na sa maong programa.
Naglaom usab kini nga mo-kooperar ang tanang kapitan sa barangay tungod kay alang man kini sa kaayohan sa tanang kabatan-onan aron mahilikay sila sa ginadiling druga ug mahimong Drug Free ang ilang mga barangay.
Dugang pa sa maong opisyal nga basi sa iyang nadawat nga intelligence report gikan sa kapolisan nga nagkahinay na ang suplay sa illegal nga druga sa syudad ug kini tungod sa hugot nga kampanya sa kapolisan batok niini, hinungdang kinasingkasing niyang gipasidunggan ug gipasalamatan ang kapolisan sa syudad.
