48 ka mga pulis nga ginalakipan sang duha ka hepe ang ginpa-paathag ni IPPO Director Police Col. Roland Vilela matapos iya matukiban nga wala ang mga ini sa ila duty kahapon.
Nahibaluan nga naglibot si Vilela kag naghiwat sang inspection sa mga police station matapos iya na-obserbahan nga mahina ang nagasulod nga situationer reports angut sa transport strike.
Ginhatagan pagtamod ni Vilela nga yara sa full alert status ang kapulisan kahapon kabangdanan iya ginpang-recall bisan ang mga naka-leave nga mga pulis apang nadismaya siya nga may mga pulis nga absent kag ang iban wala sa ila patrol beat areas.
Suno kay Vilela nga iya ginahatagan sang 24 oras agud magpaathag ang mga natungdan kag kon indi siya kumbensido sa mga rason, magapangatubang ang mga ini sang kaso administratibo.
