General Santos city—Human sa dul-an usa ka simanang pakigharong sa baba sa kamatayon, walay swerting nakabsan gyud sa iyang kinabuhi ang biktimang si Rodel Lumarda, usa ka tricycle driver ug nanimuyo sa Purok Sta. Gema, barangay Calumpang, Gensan kansa usa sa duha ka napusilan sa wala pa mailhing mga suspek alas 10:00 ang takna sa buntag sa Purok 6, Lanton, Barangay Apopong.
Alas 4:47 ang takna sa kabuntagon, kagahapong adlwa, adlaw nga Domingo dihang nakabsan gyud ug kinabuhi ang biktima samtang gitambalan sa Mindanao Medical Center.
Kahinumduman nga gipamusil ang mga biktimang si Lumarda ug si Richie Gabales nga taga Barangay Bula, Gensan. Una na usab nakabsan sa iyang kinabuhi si Richie niadtong nakalabayng Simana.
Nasayran nga gihingusgan sa pamilya sa biktimang si Lumarda nga posibleng nadamay lang ang nasampit sa pagpamusil sa pasahero niini nga si Gabales.
Hustisya usab ang gipangayo sa pamilya sa biktima human sa kamatayon niini.
