General Santos City–Nadakpan sa buy-bust operation sa kapulisan sa Lagao ang suspetsadong si Mateo Li, 49 anyos, minyo nga residente sa Brgy Lagao ning syudad.
Sumala ni Police Lt. Felix Minion- Deputy Chief Of Police sa Lagao Police Station, resulta sa follow-up operation sa kapulisan og PDEA ang pagkasikop kang Lim.
Nasayran nga una nang nagpahigayon og operasyon ang Tinagacan PNP hain dunay duha ka mga tawo ang nadakpan og gikaingong mga kaubanan kini ni Lim.
Dugang pamahayag ni Lt. Felix Minion nga positibong napalitan og iligal nga droga ang suspek dayon gisunod ang pagsikop kaniya.
Sumala ni Minion nga daan nang natala ang pangalan ni Lim sa listahan sa mga nalambigit sa iligal nga droga apan nawala kini tungod mihawa kini sa Gensan.
Pagbalik niini gikan sa kaulohan subli matud pa kining nalambigit sa droga hinungdan nga nahimong target sa operasyon sa kapulisan. (Jordan Britos)
(Photo is for Illustration only)
