General Santos City–Malampusong nasikop sa naghiusang pwersa sa Police Station 2, CMFC ug City Intelligence Branch ang usa ka Samson Cenas, 49 anyos nga nanimuyo sa Prk. 14, Sultan Pendatun, Barangay Apopong ning syudad human sa gipahigayon nga implementasyon sa 6 ka mga search warrant sa kapaulisan kagahapon sa buntag.
Sumala pa ni Police lt. Renato Dungca Jr. ang tigpamaba sa Gensan Police Office nga sa 6 ka mga search warrant lima niini ang nag negatibo samtang ang panimalay sa suspect ang nag inusarang nakuhaan ug iligal nga armas, explosibo ug mga bala.
Dugang pa ni Lt. Dungca nga misuway pa ug sibat ang suspect sakay sa usa ka multicab sa dihang nabantayan ang padulong nga presensya sa kapulisan apan na-abtan gihapon kini sa kung asa nakuha ngadto sa suspect ang usa ka 45 nga armas ug mga bala nga naka butang sa sling bag kansa gisuwayan pa ug labay sa nahisgutan samtang nakuha usab sa panimalay niini ang usa ka granada.
Samtang gibutyag ni P/Lt. Dungca nga ang pipila sa mga gi-applayan ug search warrant sa kapulisan ang person of interest sa nahitabong pag pusil sa grupo ni Ret. Col. Pendatun niadtong milabay nga bulan atol sa gipahigayon nga demolition sa maong lugar.
Human matud pa sa maong panghitabo nag pahigayon ug imbistigasyon ug monitoring ang kapulisan sa maong lugar kung asa ilahang nasayran nga dunay gina taguan nga armas ang mga nahisgutan hinungdan nga gi-aplayan ug search warrant.
Apan posible matud pa nga nakabantay ang mga nag-negatibo nga mga target ug una nang natago ang ilahang mga armas ayha paman ang maong operasyon.(Dave Silagan)
