Misaka na sa 49 ka mga tawo sa Cagayan de Oro ang natakdan sa corona Virus Disease o COVID-19.
Matud ni City Health Officer Dr. Lorraine Nery nga kini ang bag-ong record sa City Health Office hangtud sa July 1.
Gibutyag ni Nery nga gikan sa maong ihap, 32 niini ang aktibong kaso, unom ang patay, samtang 11 ang naka-recover sa maong virus.
Matud ni Nery nga kini nga record sukad gisugdan sa administrasyon ni Mayor Oscar Moreno ang kampanya batok sa covid-19.
Ang maayong balita kay niining 32 ka mga active covid cases sa Cagayan de Oro, walay na-admit sa Northern Mindanao Medical Center kay ang nasangpit nga mga pasyente ilang gipahimutang sa lain laing Isolation Units sa city hall.
Matud ni Dr. Nery nga unom sa 32 ka active covid cases ning syudad ang polos out patients.
Gipasabot ni Dr. Nery nga gikan sa 32 ka mga active covid Cases, 26 niini polos Returning Overseas Filipinos kon ROFs ug Locally Stranded Individuals kon LSIs.
-o0o-
