Padayon sa pag-awhag ang 4th Infantry Division (ID) nga motahan na ang gustong mosurender nga sakop sa New Peoples Army kon NPA.
Sa interview sa RMN Malaybalay ngadto kang Lt. Tere Ingente, ang spokesperson sa 4ID, Philippine Army, gibutyag niini nga dili pa ulahi ang tanan aron mosurender.
Ang panawagan ni Ingente human sa pagtahan sa usa ka si Anaclito Sanugan Sagula Jr., 32, residente sa Purok 1, Barangay Hagpa, Impasugong, Bukidnon nga kabahin sa nakig-engwentro sa kasundaluhan niadtong Mayo 4 ning tuiga nga misurrender kini sa 8th Infantry Battalion (IB) sa Sabangan Patrol Base, Barangay San Luis, Malitbog.
Bitbit sa iyang pagsurender ang usa ka AK47 rifle ug tulo ka magazines nga puno sa 88 ka mga buhing bala.
Kasamtangan nakig-coordinate na ang 8IB sa Malitbog ug sa mga tribal leaders alang sa panginahanglan sa mga surenderee.
Ubos sa CLIP Program ang NPA nga mosurender deretsong makadawat og cash assistance nga P15,000 ug livelihood assistance sa P50,000.
Makadawat sab kini og kantidad nga balor sa iyang armas nga gisurender magdepende sa evaluation sa Clip Committee sa Bukidnon.
