Gipaalerto karon ni 4th ID commander Maj. Gen. Ronald Villanueva ang militar ug kapolisan, batok sa kamandoan sa CPP-NPA nga mohimo sila sa paglikidar ni bisan asang mga urban area sama ning syudad.
Kini gumikan kay gipalig-on ni CPP founding chairman Jose Maria Sison ang pagpasulod og Special Partisan Armed Revolutionary Units kon SPARU, sa mga syudad aron sa pagpatay sa mga pulis ug sundalo.
Matud ni Gen. Villanueva, nga nakadawat silag report nga gihatagag proteksyon sa mga negosyante ug mga politiko ang taas nga opisyal sa N-P-A nga si Jorge Madlos alyas Ka Oris sa Caraga Region.
Tungod niini, nagkatigom ang mga local media pratictioners aron ipasabot ang kampanya sa gobyerno batok sa CPP-NPA nga giila ni Pres. Rodrigo Duterte nga dili layo sa mga terorista
